億萬富豪肥仔賢睇中咗成人電影當紅脫星露茜，經過淫媒介紹，終於畀佢認識咗呢位索女。肥仔賢喺每次飯局之後都會帶露茜去酒店開房，但每次做愛都有戴上安全套，直到有一次，肥仔賢飲到醉醺醺，要求露茜陪佢玩「中出」，為免得失大老細，露茜惟有就範。
後來露茜發現自己懷孕，即刻去搵肥仔賢商討對策，肥仔賢為免麻煩，隨即向佢提出分手，深深不忿嘅露茜要求五百萬「掟煲費」，之不過肥仔賢竟然話唔畀。露茜就好嬲咁話：「哼！我搵人查過o架喇！你每年啲董事袍金都有成幾千萬，仲未計你喺世界各地嘅物業同股票投資，區區拎五百萬出嚟，對你嚟講濕濕碎啦！如果你唔應承，我就爆你大鑊！」
肥仔賢氣定神閒咁答：「但係我仲有三個離咗婚嘅老婆同九個仔女，呢度每年都要成千萬贍養費，加埋依家同我一齊嗰三個情婦嘅生活費，我計過條數，夾夾埋埋已經超過三千萬……最重要就係，我根本一個仙都唔會畀佢哋，咁又點會畀你呀，傻女！」