做得女主播，除咗樣貌要有番咁上下，仲要口齒伶俐，但呢次介紹嘅主角柳岩，不但擁有以上特質，更係一位能歌善舞嘅藝人，加上一雙34E極品美乳，令無數男人為之瘋狂，可以算係內地主持界嘅新一代偶像主播。
當家主持
好多人都以為，做得女主播肯定與「性感」絕緣，但凡事總有例外，好似索女柳岩咁，現時為內地某媒體嘅當家女主播，同時亦主持過《音樂風雲榜》、《周日我最大》等多個綜藝娛樂節目，被業界譽為「千面女主播」。
此外，早前佢更獲得電腦遊戲商邀請，擔任線上遊戲《赤壁》全新資料片《熱血戰魂》嘅代言人，以及主唱全新主題曲《孫尚香》，呢位索女可以話係周身刀。
性格豪放
老實講，內地美女多的是，到底柳岩憑乜嘢可以喺業界脫穎而出？相信與佢嘅身材有關。擁有34E魔鬼身材嘅柳岩，無論着上任何衣服，都難掩美好身段。更難得係索女性格大方，不時為雜誌拍攝性感寫真，一對美乳呼之欲出，加上一條無底深坑，難怪觀眾咁歡喜佢啦！
早排索女喺個人博客中更透露自己16歲先戴胸圍，更埋怨因為胸部尺寸特殊，所以好難買到合適嘅Bra Bra，盡顯其豪放大膽嘅性格。其實以柳岩嘅條件，做女主播太嘥料，話唔定喺不久嘅將來，會喺大銀幕上見到佢嘅演出都未定。
柳岩Profile
出生日期：1980年11月8日
三圍：34E-23-34
身高：163cm
體重：47kg
血型：A型