本文重點
乘搭公共交通工具，要遵守好多規則，例如禁止飲食、禁止吸煙等，而除咗張貼於交通工具內嘅禁止標語外，亦有一啲約定俗成嘅守則冇寫出嚟，例如嚴禁進行猥褻行為！
地鐵內公然剝褲
不過，早前於廣州地鐵內，就發生咗一單公然嘅猥褻行為事件！為數18名嘅網友，於廣州一個地鐵站集合之後，就齊齊進入車廂，然後齊齊除褲！女網友露晒底裙同超短褲，而男網友就露出「孖煙囪」，由於事出突然，搞到同車嘅乘客個個都手足無措。
有部分人以為係拍廣告，所以照樣睇報紙聽歌，但亦有少女因為見到男人露出「孖煙囪」而搞到一臉尷尬，掩面遮眼。點解呢班網友會咁大膽公然剝褲呢？原來係為咗提倡環保低碳生活嚟迎接亞運喎。減少用水用電嚟節能我就聽得多，但着少啲衫嚟提倡環保就真係少啲喇！