聽見好多女士話男人嘅臀部如果又圓又結實，會好性感，咁呢類男士係咪就會識到好多女仔呢？喺古相學嚟講，男人臀部結實有肉，只表示做人有毅力、有膽識，身體強健，喺事業上容易取得成功，但就冇話過可以增加異性緣。
而少年時臀部冇肉，運程就會不滯，過得辛苦，難有成功，所以青少年記緊要多做運動，將臀部練得結實啲，咁老來就唔會孤苦無依。
講番臀部有肉嘅朋友，佢哋財祿不錯，加上身體壯健，自然較易吸引異性，所以桃花不俗。但千萬別縱情聲色，否則後果難料。另外，家陣年輕人流行紋身，原來幾靚嘅Pat Pat，只要一紋咗身就會破壞晒，所以千祈咪喺臀部紋身呀！
達達