本文重點
小弟交遊廣闊，久唔久電話就會響起朋友們嘅來電，而佢哋第一句說話都會問：「近期點呀？」我通常都會回應一句：「都係日日食齋囉！」意思唔係指我因為健康或宗教問題而食素，而係指小弟依然冇女友，生活非常苦悶，尤其係性生活方面。不過，當我睇完美國一單新聞之後，就發覺原來食齋都可以好開心兼大飽眼福！
大派豆腐
講緊嘅係早前美國善待動物組織（PETA）嘅女成員，為咗呼籲市民減少食肉，冒住凜冽寒風，穿上比堅尼走到華盛頓一個露天廣場，向市民派發豆腐及蔬菜三文治。雖然三文治未必啱市民胃口，但係由於呢班女成員個個嘅皮膚又白又滑，加上穿着性感，所以一樣吸引到好多市民上前搭訕。如果有比堅尼女郎叫我食素，唔使多講，梗係食啦！