認真猖狂

話說呢名男子姓朱，今年18歲，喺元旦日跟朋友去夜總會消遣，仲搵咗個三陪靚女相伴，後來從朋友口中得知小姐陪坐要畀小費，於是就喺十二點左右離開夜總會，前往附近一間有24小時提存服務嘅銀行門口等待，後見有一女士內進取錢，朱某竟手執磚頭尾隨而入，當女士取出現金之時，朱某手起磚落，擊傷女士後奪取七百元現金逃走，之後折返夜總會繼續消遣，最後床頭金盡，與友人喺網吧過夜，而警方從閉路電視得知朱某的外形容貌，於是巡查所有旅館、網吧夜遊場所，終於喺網吧拘捕朱某歸案，最後警方仲拉埋收小費嘅囡囡，而嗰兩三百蚊坐枱費自然充公，睇嚟最無辜都係個夜總會囡囡，下次遇上後生仔客人，真係要小心啲呀！