本文重點
網絡上有唔少美女相簿，非常受宅男族歡迎，每當有人發現索女，佢哋就會一傳十、十傳百，講到呢期最受宅男歡迎嘅台灣網絡人氣美眉，應該有徐小佳（Ashely）一份，因為佢嘅相簿瀏覽人次，已經超過197萬，絕對人氣十足。
呢位台灣索女現年23歲，任職模特兒，擁有一張標致面孔，加上豐滿上圍，隨即令佢喺網絡上人氣急升。由於愈嚟愈多人留意佢，工作自然接踵而來，除咗拍廣告、寫真，間中仲會上電視節目做嘉賓。早前，Ashely參加咗由某夜店舉行嘅比堅尼模特兒大賽，並勇奪第一名，實力可見一斑。
不過，人紅自然是非多，最近索女嘅相簿遭人盜用，有人將佢嘅相片下載到自己嘅網站，更冒充Ashely本人、經理人及朋友，於網上到處招搖撞騙，相當冇品。正牌Ashely知道之後非常生氣，即時將部分相片上鎖及刪除其個人資料，並提醒網友勿再搞事，否則會報警處理喎！
徐小佳Profile
三圍：32E-23-34
年齡：23歲
身高：162cm
體重：43kg