本文重點
如果要選出模特兒界嘅二○○九「年度風雲人物」，相信Irina Sheik及Bar Refaeli可謂坐亞望冠，前者係今年炙手可熱嘅模界新貴，後者則為經驗豐富嘅超級名模，兩人實力不相伯仲，肯定有一番龍爭虎鬥。
並駕齊驅
Bar Refaeli於十五歲時已擔任以色列知名服裝品牌嘅代言人，佢更係第一位於被喻為水着聖經嘅《運動畫刊》中出現嘅以色列籍水着模特兒，並於○八年被一本英國時尚雜誌選為「完美體態女人」，經驗同實力絕對超班。
至於俄羅斯名模Irina Sheik，二○○七年才出道，但迅速走紅，成為大熱新貴，佢為意大利時裝品牌所拍嘅廣告，佔據無數嘅大型廣告板，更連續第三年獲得《運動畫刊》嘅青睞，擔任泳裝特輯嘅模特兒。
兩位索女均為世界級人馬，實力不相伯仲，如要選出年度模界風雲人物，睇怕兩位索女都會爭崩頭喇！