家陣經濟麻麻，一間AV片商能夠經營五年，旗下女優作品仲要經常打入排行榜，絕對唔容易，所以S1特別為成立五周年而推出一連串慶祝活動。參與女優包括天后級女優蒼井空、吉澤明步，另外仲有Mihiro、月見栞等，單看陣容就知道片商對呢次活動有幾重視。

與女優談性

講到最吸引嘅活動，莫過於由「No.1美腳」月見栞主持嘅「性愛相談室」，只要喺S1嘅官方網站填寫參加表格，就有機會同月見栞於網上直接對話。至於所講話題則不設限制，無論你想問佢着緊乜嘢款式嘅內衣褲、還是分享性愛心得、又或者高潮時嘅感覺、甚至乎想請教性愛技巧，月見栞都會有求必應，逐一解答，絕對唔會令Fans失望。

而另一項活動就係同Mihiro一齊打高爾夫球，雖然同樣係機會難得，之不過淨係打波似乎未夠過癮喎！

限量性用品

除咗搞活動外，S1更於上月推出雜誌《S1 Girls 4》，裏面不但有女優嘅噴血寫真，仲有佢哋嘅活動預告，以及有關S1嘅情報，讓影迷掌握第一手資訊。

而S1更與某知名安全套品牌合作，推出限量超薄安全套，並由蒼井空及Mihiro擔任代言人，一套兩盒共廿四個，售價一千五百七十五日圓（折約一百四十港元）。此外，仲有由大空花音及月見栞擔任代言人嘅「Sexy and Cute」潤滑劑，有興趣嘅朋友，不妨上網睇吓啦！