本文重點
內地近年出現好多剩男剩女，即係去到適婚年齡都搵唔到對象嘅男女，較早前民眾為咗幫助呢班單身一族，仲將十一月十一日定為光棍節，等佢哋有個特別節日慶祝，藉此同其他朋友聯誼，增加認識異性嘅機會。而最近，坊間仲時興一種名為「八分鐘交友」嘅活動。
拳手小姐充數
呢類活動嘅性質其實同聯誼活動差不多，都係搵來一班單身男女去到酒吧傾吓偈、飲吓酒，不過，每八分鐘就要換對象，等大家都有更多機會認識其他異性，其實同「Speed Dating」嘅方式類同。
然而，據消息指出，呢類八分鐘交友活動當中嘅女仔，有好多都係該酒吧嘅拳手，當唔夠人時就會頂上湊夠人數，當然亦會乘機氹班男仔飲多啲酒。另外，當中亦有原本長駐酒店嘅小姐，借呢類活動勾搭男士上釣，雖然有違交友嘅原意，但係總算為男士解決寂寞。