想睇一個人嘅童年好定唔好，最好睇雙耳，而喺咁多耳形當中，耳仔生得愈貼後腦嘅就代表愈好，相書話「對面不見耳」，就代表出身名門望族，就算唔係都嚟自小康之家，自小生活無憂，讀書聰明，深受父母或長輩愛錫。
佢哋為人堅毅不屈，從事研究工作，一定可以做出成績。另外，腎開竅於耳，從耳仔就可以睇出腎功能嘅強弱，如果耳仔生得貼面，又飽滿有肉，咁就代表腎氣充足，性生活十分如意，每次交合都能得到快感。
而女士耳仔貼住後腦生，就算唔係大戶人家出生，都會好有氣質，少年時已經揚名四海，好多少女時代出道嘅女明星都有咁嘅耳仔；另外由於專注力過人，無論喺工作、事業、家庭上，都能取得成功。
達達