經常聽到啲姊妹話有賤客中途掹袋，由於體位關係，唔少姊妹差唔多完事至會發現，你話啲嫖客幾賤格。為咗一己私慾，唔理自己健康仲搵我哋嚟較飛，如果不幸染上世紀絕症點算？有咗你嘅骨肉點算？每次遇到呢啲賤男，啲姊妹都會提心吊膽成個月，又要畀錢去做檢查，假如不幸畀我遇到，我一定當場拗斷佢，等佢掹得咁爽吖喇！

綽號：露暈娜

簡歷：援交妹出身，畢業後投身馬交夜場，現職夜總會公關。

自備款式

有關戴袋問題，班闊太客反而好易話為，基本上一定會畀我哋戴，佢哋自己有頭有面有家庭，邊敢同你博喎，除非諗住搵人借種嘅啫！其實唔少闊太都會自備安全套畀鴨仔戴，佢哋仲鍾意買啲抵死過癮嘅款式，好似超級凸紋、螺旋紋甚至螢光等都有，志在玩得開心啲又耐啲。

綽號：少爺Joe

簡歷：有正當職業，因投資失利，晚間於俱樂部當兼職牛郎。