當你行行吓街，突然有一個胸圍從天而降，跌正你面前，你會有咩反應呢？相信大部分男人都會覺得好邪，是日不宜賭博。如果閣下咁信邪嘅話，就千祈唔好去新西蘭一個叫Cardrona嘅地方喇！因為嗰度擺咗一個胸圍陣！喺一道圍欄上面，掛有好多唔同款式嘅胸圍，到目前為止已經超過八百個之多。
究竟點解有人將胸圍掛上去呢？據說喺一九九八年嘅聖誕節，有四個女人無啦啦除咗自己嘅胸圍掛喺圍欄上面，之後有人有樣學樣，又掛多幾個胸圍上去。後來，呢單掛胸圍事件被傳媒報道，結果吸引唔少遊客去一睹奇景，亦因此愈來愈多人將胸圍簽埋名掛上去，就係咁，搞到一道圍欄掛滿晒胸圍，形成一個集香艷與神秘於一身嘅胸圍陣喇！
Max