肥賢同美娜已經結咗婚四十年，一直以來，夫妻都非常恩愛。不過，年紀漸大，令肥賢對性事已經再提唔起興趣，所以美娜就愈來愈悶。今日，美娜為咗提起老公嘅性趣，於是特別從情趣用品店，買來一件透視紗裙，諗住今晚色誘肥賢。
燙吓佢
兩公婆食完飯之後，肥賢就坐喺梳化睇小說。呢個時候，美娜從房間換好透明紗裙出嚟，同肥賢講：「老公，你睇吓我今日索唔索？」肥賢用眼尾望咗一望，又繼續埋頭睇小說。
美娜見肥賢不為所動，於是直情將件紗裙除低，再問：「喂！我件衫靚唔靚呀？」肥賢望一望又再睇書，仲話：「件肉色睡衣咁皺就燙一燙佢啦！仲有呀，心口嗰兩粒鈕好似就嚟甩咁，好心你就縫番好佢啦！」美娜聽到之後，激到幾乎吐血！
Max