呢個女優拍賣網，只拍賣日本AV女優物品，最常見嘅有四仔戲服，包括：胸圍底褲、絲襪、高踭鞋，亦有女優歷來推出過嘅作品集、用剩嘅潤滑油、親筆簽名Tee及首飾；再另類啲會有女優攝影會入場Quota、假髮、甚至床單都可以搵到，認真犀利。

金澤文子10萬1條底

拍賣方法非常簡單，一如普通拍賣網，拍賣期七日起，起標價一般由一千日圓起，由女優提供拍賣物品，然後拍照同時簽名作實，再加物件描述。例如「戲服」曾於邊部作品出現，新舊程度、有冇污漬及破爛等，有誠意嘅更會配圖！

網站成立三年以來，由只拍賣二、三線女優嘅物品，到目前一線女優甚至已引退嘅知名女優都有物品拍賣！就以當年紅極一時嘅女優金澤文子為例，已成交嘅一條二手底褲，最終竟以十萬日圓成交（折約港幣八千五百元），又話日本經濟低迷，真定假呀？

小澤圓賤賣日用品

網站成立初期，據講只為解決一眾AV迷相思之苦，但搞搞吓，家陣已變成女優搵食捷徑。剛才話一條知名女優底褲可以賣十萬日圓，查實部分不知名女優，例如被稱為「涉谷系」嘅素人女優，一套比堅尼都可以由一千日圓開售，到最後以一萬五千日圓成交，假如一日成功售出一套，真係好過你打工囉！

多得拍賣網，令女優多條出路名正言順搵食，大家亦可以借此留意女優嘅知名度及其「經濟狀況」！當年以清純形象紅到嚟香港拍三級片嘅女優小澤圓，人人以為佢風光退役，點知就畀小記喺網站發現，佢連鬧鐘、花灑頭等日用品都攞出嚟賣，截稿當日只係叫價六千五百五十日圓，咪話唔折墮！

另一位名叫姬宮羅夢嘅女優，就堪稱「拍賣王后」，幾乎隔日就有貨品推出。以網站內所見，阿妹先後將拍戲嘅服飾、私人衫褲、高踭鞋，甚至連所有推出過嘅AV都攞出嚟賣，假如自己可以賣，可能阿妹都會考慮！最可惜嘅係，拍賣網只為日本當地居民服務，海外買家惟有靠日本朋友，或代購網站落Bid嘞！