呢期至出位嘅吸血鬼劇集，相信非《True Blood》（港譯：真愛如血）莫屬！《True Blood》其實係根據人氣小說家Charlaine Harris嘅暢銷小說《南方吸血鬼謎案》改編而成，以描寫吸血鬼同人類之間嘅鬥爭為核心。話說日本發明咗一種人造血液，可以取代真血，隱居於人類社會嘅吸血鬼不但唔再係人類嘅敵人，更計劃爭取吸血鬼一族嘅地位。不過呢個決定，卻引起人類社會嘅擔憂。
呢套電視劇咁受歡迎，除咗古仔新穎外，畫面更充滿色情同暴力，情慾床戲常有之餘，女角們露點鏡頭更數之不盡。當中飾演女主角Sookie嘅Anna Paquin曾經憑《鋼琴別戀》得到奧斯卡最佳女配角。
當日嘅小姑娘如今不但亭亭玉立，一對好「雙乳」唔單止任睇唔嬲，更有露點演出。懸疑、香艷加暴力嘅故事結構，難怪長拍長有。只可惜香港電視台播嘅係「乾淨版」，梗係買DVD原汁原味啦！