紅透半邊天

林智慧於十七歲出道時，已憑驕人身材成為媒體焦點。直到二○○六年，佢以車模身份首度於釜山國際汽車展中亮相，隨即一炮而紅，成為車模界嘅超級新星，唔少遊戲展及數碼展亦紛紛向佢招手。同時佢又接下手機、網絡遊戲、電器產品等多份廣告合約，令佢喺短短幾個月間，身價躍升百倍，氣勢一時無兩。其實林智慧能夠走紅，不但靠一雙巨乳，成熟嘅外形亦係其中一個重要因素。年紀輕輕嘅佢已經散發一種熟女魅力，加上大批網友紛紛於網絡搜索其資料，間接幫佢做宣傳，就連內地網友都非常關注呢位索女嘅動向！

減磅再出發

本來人氣急升嘅佢，準備進軍樂壇，但由於同經理人公司出現合約糾紛，先至被迫停工。

今年十月，林智慧推出新一輯寫真《Hot Stuff》，意味全面復出。而為以更Fit身形復出，佢更激減十五公斤，三圍由37-24-37，減至36-22-34，魔鬼身材更勝當年。未來數年，佢話希望可以多方面發展，實行歌、影、視及模特兒四棲發展，以佢嘅條件，呢個願望應該唔難實現吖！

林智慧Profile

出生日期：1986年2月14日

三圍：36-22-34

身高：5呎6吋

血型：A型

興趣：唱歌、電影