兩層式酒吧

呢間兩層式酒吧，底層主要為吧頭區、飛鏢區及露天雅座，樓上則感覺簡潔舒服，設有梳化卡位，以及能容納三、四十人嘅VIP專區。大部分卡位旁邊都設有平面電視，負責人Cat姐表示，呢個設計係為咗方便大家有一個獨立又私人嘅空間盡情玩樂。

即場大考驗

而為咗令大家更享受唱K樂趣，酒吧特別裝設多套高級音響，配合無線咪，讓客人無拘無束咁一展歌喉。講到唱K，不得不提喺酒吧工作嘅兩位美少女阿Ling同BBQ，佢哋聲線甜美，部分熟客更笑言佢哋係酒吧界嘅Twins添！

娟娟揀咗一首合唱歌畀佢哋，結果喺毫無準備嘅情況下，都能夠發揮水準，博得唔少客人嘅掌聲！事後，阿Ling表示，佢哋為咗Keep住把聲，會盡量少食煎炸嘢，以及飲多啲水；而BBQ就話休息最重要，如果唔夠瞓嘅話，把聲一定唔掂。順帶一提，下星期四（十九號），方力申會到場參與一個酒商Function，想同小方一齊唱歌玩遊戲，就記得入場喇！