唔少熟悉日本夜遊界嘅朋友，應該都有聽聞過，甚至親身去過，呢間位於六本木，號稱百分百玩AV女優嘅「Club@Virgin」夜總會。

收費勁貴

呢間Club由AV女優出身嘅早坂瞳成立，全場都有AV女優陪飲陪唱K，基本消費一小時要一萬日圓（約八百五十港元），晚上八點後則要一萬二千日圓（約一千零二十港元），指定小姐則要再加錢，視乎「知名度」而定！

一晚未「埋牙」，閒閒哋都使過萬港元，所以一般打工仔根本玩唔起。亦有網友指呢間場消費勁貴，閒閒哋開支酒，連其他雜費竟然要三千港元，真係要碌卡找數先得。

但點解仲咁多人去撐場，咪因為多女囉！好似剛啱完咗嘅「哈囉喂」咁，佢哋就請嚟人氣女優佐伯奈奈做騷同人客玩遊戲，畀着我都仆倒去啦！

歡迎外賓

呢期接二連三都有日本AV女優跨媒界搵食，開講座、去馬交跳舞、出國登台、做電視節目主持、甚至落夜場陪坐，有人認為女優表面係好風光，但計我話其實喺AV界撈唔掂至真。

傳聞「Club@Virgin」歡迎任何國籍人士去玩，加上喪搞活動保持人氣，可謂貴得有道理！最近呢間場又有正嘢，請嚟已引退嘅鈴木杏里、小澤菜穗，仲有現職女優嘅青山菜菜「坐鎮」，想玩，有錢咪得囉！