本文重點
較早前內地為咗擴大內需，推出好多下鄉計劃，例如係家電下鄉、汽車下鄉咁，令兩個行業都積極配合，到各省舉行展銷會促銷爭生意。當然，要令展銷會搞得有聲有色，以此吸引買家光臨參觀，梗係要大搞噱頭啦！
男士爭相拍攝
大型舞龍舞獅表演助興、歌星表演、名人推銷等等當然夠噱頭，但係講到最夠吸引力，就一定係早前黑龍江一間車行所搞嘅展銷會喇！因為，呢間車行為車展搞咗一場活色生香嘅人體騷！
主辦單位請來幾乎全裸嘅汽車模特兒到場搔首弄姿幫手促銷，惹來唔少男士爭相到場參觀以及拍照！其實，內地好多車展都會用到人體彩繪女模表演嚟吸引客人，但係佢哋至少都有彩繪遮住重要部位，所以今次黑龍江呢個車展出動到半裸美女就真係夠膽又夠色喇！