其實所謂嘅膠漿，如果平時有睇開日本AV嘅朋友，應該都唔會陌生，因為呢啲膠漿其實即係「化妝水」，只不過加入咗食用色素同香料，先變成顏色鮮艷嘅膠漿。

效果繽紛

其實呢啲有顏色嘅膠漿，傳入美國已經有一段日子，只不過直至年幾前，先開始於瘋狂派對內流行，成為熱門玩意。派對搞手Martin話，膠漿派對嘅興起，係同美國人熱愛睇泥漿摔角有關喎！

Martin話：「唔少人都鍾意睇摔角比實，覺得過程刺激又興奮，特別係泥漿摔角，見啲靚女打到飛Bra走『奶』，成隻泥鴨咁，真係好過癮。後來就有人諗到將泥漿摔角變成派對玩意，但為咗令視覺效果繽紛啲，所以就改用呢啲七彩膠漿，而且玩完只要用水清洗即可，夠晒方便。」

即席開戰

Martin話為咗搞呢種狂野膠漿派對，唔少派對以空置廠房或大屋作場地，只要喺地下鋪滿膠帆布，就唔怕整污糟地方。通常一開始大家都會正正經經咁跳舞飲酒，當飲到High High哋，搞手就會拎出準備好嘅膠漿，喺毫無預警之下潑向參加者。

突然施襲，現場好快就變得一片混亂，中咗招嘅，就會向啲冇中招嘅埋手，於是男男女女攬埋一齊，互潑之餘仲扭作一團碌地沙，碌碌吓，身體好易有衝動反應，互摸一番之後，想即席搞嘢都唔出奇啦！通常呢類派對大約玩三個鐘左右就會玩完，之後只需要去洗手間沖乾淨身，換件衫就可以離開。聽落好似唔錯咁，但其實講真咪又係求其搵個主題玩「集體」派對，仲要搞到成身污糟邋遢，我就冇興趣喇！