早前喺日本秋葉原，開設咗一間名為「Little Lovers」嘅風俗店，佢同其他色情場所一樣，都會提供風俗孃為客人解決生理需要，之不過佢哋唔會叫、唔會郁，淨係識得攤喺床上任你舞。點解？因為佢哋全部都係性愛娃娃囉！

價值不菲

據講店內嘅性愛娃娃，全部都係知名成人娃娃製造商Orient Industry嘅出品，特別之處在於以矽膠質料製造，質感同人體肌膚極為相似，關節位更可以大幅度郁動，敏感部位亦造得非常細緻，驟眼睇十足真人一樣。

該公司最初研發呢款像真娃娃時，原本係為咗幫助一啲殘障、患有性功能障礙嘅人士享受性愛，但如今已成為宅男至愛。

一個性愛娃娃，未連其他配件，至少要十四萬日圓（折約港幣一萬一千九百元），而風俗店內約有十多間房可供玩樂，可見老闆的確大手筆！

自選配件

店內玩法非常簡單，客人先喺櫃台登記，然後工作人員就會遞上一份表格，讓客人挑選娃娃嘅髮型、面形、身高、胸部大小等。揀好之後，工作人員就會按客人需要，將合適嘅性愛娃娃搬到客人房內。當鎖上房門後，客人就可以盡情玩樂。

由於娃娃並冇發聲裝置，於一片寧靜嘅環境下玩樂，難免覺得冇癮，好在房內有部小型電視機，可以不停播放四仔AV，為客人提供聲色娛樂，咁就唔使怕提唔起性趣啦！而床邊更放有一個小盒，內有潤滑劑、震棒及震蛋等性用品，確實照顧周到。由於性愛娃娃並非真人，客人就算想真槍實彈咁同娃娃玩「本番」，都一樣冇問題。

宅男居多

據店方工作人員所講，嚟玩嘅客人，當中以廿零歲嘅宅男居多，由於佢哋收入唔多，根本無力購買昂貴嘅性愛娃娃，依家畀少少錢就可以玩，確實經濟得多。

此外，由於每個性愛娃娃都價值不菲，所以每次客人完事付款時，工作人員都會走入房間，檢查娃娃身上有冇「損傷」，若然玩家唔小心整親佢，當然要照價賠償啦！