好多女性以為床上猛男都係身材高大同埋肌肉發達，咁就大錯特錯啦！事實上，身材魁梧並不代表佢可以喺床上表現強悍，同埋有持久力！

體形瘦力發千鈞

滿身肌肉嘅男人，無疑更易吸引到異性嘅注意，但係咁樣並唔表示佢哋性力過人。事實上，一個人愈多肌肉就愈需要更多能量去維持機能，所以如狀態不佳，肌肉男同樣會出現氣力不繼嘅情況。相反，一啲體形較瘦同骨感較重嘅男人，即係所謂嘅鋼條男，佢哋往往真人不露相，喺床上力發千鈞，爆發出驚人嘅力量，姊妹們遇着呢類對手，自然可以有排開心啦！

身材矮動作靈活

此外，姊姊們唔應該將男人嘅高度去衡量佢哋嘅性能力，而且身材高大嘅男人，反而會妨礙性事進行，例如動作較為遲緩，以致招式運用唔得協調，以及速度都可能冇咁快。相反，好多身材矮小嘅男人，爆發力比較強，動作較靈活，持久力亦有番咁上下，威猛程度比高大嘅男人強勁。

沉默寡言夠威猛

除咗身形，女人亦可以透過觀察男人嘅行徑，去挑選自己理想嘅性愛對手，舉個例，男人經常吹噓自己性能力有幾強，但有可能只係得把口，床上表現差強人意，原因好簡單，事關呢類男人通常都表現性急，上床可能幾分鐘就結束性戰。

相反，一個好似鵪鶉一樣唔多出聲兼且沉默寡言嘅男人，有可能只係隱藏實力，平時唔聲唔聲，一上床就將慾火一次過爆發出嚟，威猛到你唔信o架！