1.肥然剛剛落機，一返到屋企，就直衝入睡房，想睇吓老婆美華喺唔喺度。

2.床上嘅美華，神色慌張咁匿入被窩，問肥然：「你唔係出咗Trip咩？做乜突然返嚟嘅？」

3.肥然話：「公司叫我聽日返去開會，所以我咪提早返嚟囉！」呢個時候，肥然發現床下底有人，佢話：「邊個匿喺床下底？」

4.原來床底下面有隻手伸咗出嚟，美華即時嚇到唔知點算，床下嘅姦夫就話：「我係整床師傅，你個床架歪咗呀！」

5.美華即時話：「張床太舊喇，尋日瞓瞓吓仲側埋一邊，今日咪叫師傅嚟睇囉！」肥然不虞有詐，仲吩咐老婆買過張床添。

6.美華轉頭就去咗買床，佢睇中咗一張好寬闊嘅雙人床，呢個時候，美華突然向床底詢問：「你點睇呀？」

7.原來姦夫正喺床下：「呢張好呀！下面夠晒闊落，空氣流通，匿喺床下底都唔驚焗到窒息！」服咗佢哋囉。