最近好多男女分開後，男方竟然將兩人熱戀時嘅親密相片，發放網上畀全世界知道，令前女友無地自容，當然只要女方一報警，呢啲咁可惡嘅男人就會受到法律制裁，但女方已經受到莫大傷害，有朋友問呢種人嘅面相有冇得睇？
當然有，喺面相學嚟講，如果上下唇都薄如一片葉嘅人，就最愛「(口趙)完唱」。原來口唇無論男女，都係上唇主情，下唇主愛，上唇薄主狡詐，無情無義，遇上異性會見一個愛一個，而下唇薄嘅人，主孤寡窮苦，無依無靠。
所以如果上下唇都薄嘅朋友，主孤寡無依，雖然工作上有才幹，但要成功只能靠自己，而且會比別人辛苦。亦因唇如刀刃，所以得罪人多，身邊缺少朋友，異性緣不俗，可惜最喜歡標榜自己嘅風流韻事，做佢哋啲女友，注定當黑，認真要諗過至好。