1.尊尼係一間公司嘅主任，平日工作繁忙，今晚佢又如常做到通宵達旦，剛剛又寫完一封信！

2.尊尼寫完信，突然拔槍指住自己個頭，原來佢壓力太大想自殺，剛剛嗰封就係佢嘅遺書。

3.呢個時候，清潔女工華姐突然出現，大聲喝止，令尊尼有所遲疑！

4.華姐雖然見到尊尼企圖用槍自殺，但係依然保持專業工作態度，幫尊尼執好張枱。

5.華姐執好張枱之後，仲拎出一疊報紙喺尊尼面前攤開，唔通佢想用報章嘅勵志故事嚟激勵尊尼？

6.華姐話：「鋪好喇，你繼續啦！」原來佢只係想用報紙遮住張枱，費事畀尊尼啲血整污糟咋！