轉眼之間中秋已過，天氣即將轉冷，唔少女仔已經計劃為換季而大出血。除咗換新裝之外，轉換髮型亦係改變形象嘅好方法。不過，我哋香港男人就冇波蘭男人咁幸福喇，因為當地早於兩年前，已出現咗一間令男人熱血沸騰嘅理髮店！點解剪頭髮都可以令人熱血沸騰？咪就係因為入面嘅髮型師，全部都係着上性感內衣嚟服侍客人嘅一等美女囉！
呢間名為「Hot Cut」嘅理髮店為咗吸引男人幫襯，所以專登聘用肯着內衣示人嘅索女。事實上，一知道呢間理髮店入面有咁多身材火辣兼只穿內衣上陣嘅女髮型師，即刻吸引當地大量男士幫襯，生意好到不得了！當然，理髮店都係賣噱頭，而唔會做色情勾當，男顧客一律要乖乖哋坐好，唔可以手多多。
收費：剪髮每次收300茲羅提（約HK$112）
注意事項：只招待男士