阿妹所指嘅，並唔係指男女之間嘅愛，而係愛心，唔講唔知原來Penny經常去做義工，佢話：「早前我為咗做義工，推晒啲戲唔拍添！」阿妹果然好有愛心。

好心有好報

唔知係咪好心有好報，Penny家陣嘅樣貌同身材依然Keep得好Fit，冇乜點走樣，有粉絲仲話Penny愈嚟愈靚添。阿妹就話：「我認為一個人只要有愛心，自然會容光煥發。而我大大話話做咗義工都有十年，只要有時間，我就會去做義工㗎啦！」

唔講唔知，Penny仲去過好多地方做探訪工作，佢話：「當中印象最深刻嘅就係去非洲探訪饑民，嗰度食物同藥物都嚴重缺乏，令我體會到當地嘅生活苦況，亦明白到自己其實好幸福。」

男友嗌分手

未知Penny平日要拍戲又要做義工，冇時間陪男朋友，對方會唔會詐型呢？佢話：「初時男朋友都有詐型㗎，仲試過用分手嚟要脅我，但我就同男友解釋做義工可以體會施比受更有福，做義工係一個過程，付出愛嘅同時，也會有所得着，我仲鼓勵男友一齊去添！」

最後問Penny會唔會一直做義工落去，佢話：「咁有意義嘅工作，我唔止一直會做落去，將來結婚生仔，我仲會同埋啲仔女一齊參與，我會同佢哋講，做義工得到嘅快樂，係用錢都買唔到嘅！」

Penny Flame's Profile

年齡：34歲　身高：5呎5吋　三圍：34C-22-34