環保手絞震棒

緊張關頭，震蛋冇電點算好？唔怕，因為最近英國一間性用品公司就發明咗一支環保震棒，方便一眾有需要女士，可以隨時隨地，喺冇電嘅情況下都可以使用。震棒用法超簡單，只要拖出底部拉桿，然後順時針絞動大約一百下左右就可以產生電力，可持續使用大約十分鐘，不過就嘥力啲囉！

The Earth Angel Battery-Free Wind-Up Vibrator

售價：€59.99（約HK$677）

安全體位扶手

有冇諗過，性交過程中發生意外，究竟叫白車時點講好？講又尷尬，唔報警又怕搞出事，真係左右兩難。與其擔心意外發生，不如做好事前工夫。好似唔少人都鍾情喺浴室搞嘢，但一唔小心跣親可大可小！不過有咗呢個安全扶手，玩任何體位都冇有怕。生產者聲稱，扶手吸盤一濕水就可緊貼在任何平滑表面，每隻負重達30kg，如果女伴揸一個，男伴揸一個，仲可以用嚟借力，幾高難度都玩到啦！

售價：US$24.95（約HK$194）

床上禮儀指南

性愛呢家嘢，確係畀錢都未必學得好，事關講天分仲要講人緣同經驗，所以一本性愛天書好緊要，皆因你永遠唔知下一次幾時出現，若然遇到個伴侶冧爆你，但一啲都唔知情識趣，你話幾冇癮呢？呢本床上禮儀指南正好打救一眾冇品男女。雖然全英文，但內容簡單易明，例如替對方口舌服務完，切勿主動同對方接吻、未經對方同意勿摸後欄，甚至於床上屁意濃時應該釋放定死忍好，呢本書都有教，仲唔快啲買番本嚟看門口？

書名：《Misbehaviour》

出版：Black Lace

售價：£7.99（約HK$102）