人氣動漫作品《灼眼的夏娜》，由日本作家高橋彌七郎所寫的輕小說系列改編而成，自二○○五年推出以來一直深受歡迎，其副產品亦係唔少動漫迷嘅至愛，好似今次介紹嘅夏娜首辦模型就係其中之一。
呢個夏娜Figure為《灼》第二季動畫內其中一個造型，一頭紅色長髮，身穿黃色比堅尼配條牛仔短褲，散發出一股健康性感嘅魅力。而細心留意，會發覺夏娜佩戴咗一條寶石頸鏈，手工相當精緻。但講到最養眼之處，莫過於解開褲頭嘅設計，加上雙手向後輕撥長髮嘅動作，實在非常誘人。當然，原型師為配合原著，夏娜嘅身材依舊平平無奇，無乜睇頭，但相信喜愛夏娜嘅Fans唔會介意嘅。
售價：¥6,825
（約HK$558）
娟娟