不論男女都會有性幻想，而不同之處在於出現頻率、長短、內容及性質等。有研究表示，性幻想嘅真實程度同個人性經驗成正比，如果性經驗愈多，情景就愈真實。

吸塵機 強勁吸力

早前英國有成人網站進行一個調查，訪問咗二千多位十八至三十歲嘅男女，睇吓邊種物品最能引起佢哋嘅性幻想。殊不知調查結果大出意料之外，當中六成受訪男性竟然對吸塵機有性幻想！

據其中一名受訪者表示，佢之所以對吸塵機產生性幻想，在於其又圓又長嘅吸管以及強勁吸力，令佢不自覺產生遐想。

不過，專家指出，由於吸塵機吸力強大，而吸管細菌亦多，如果真係以之作為情趣玩具，好可能因此而令小兄弟受傷，更有可能受到細菌感染，後果可大可小！

地拖棍 外形堅實

此外，最令研究人員感到驚奇，就係逾三成嘅受訪女性竟對地拖棍產生性幻想！有受訪女性不諱言，堅實嘅地拖棍不僅令佢心猿意馬，更令佢遐想連連，尤其係空虛難耐嘅時候，作為性玩具嘅替代品亦未嘗不可。

對此，專家認為雖然地拖棍形狀同男性如意棒形狀差不多，但用作性道具嘅話，後果確實不堪設想。先不論地拖棍表面凹凸不平，可能令到女性陰道受損，最重要就係地拖棍上細菌密布，好可能會令生殖器產生病變。

青瓜 似按摩棒

除咗吸塵機及地拖棍之外，青瓜亦係最能引發英國人嘅性幻想。部分受訪女士認為青瓜又細又長，十足按摩棒一樣，不但能夠畀到佢哋無限幻想，甚至能夠滿足需要，使用起嚟亦非常方便。

而受訪嘅男性，亦認同青瓜能夠引發女性嘅性幻想，事關呢種蔬果硬度適中，作為平淡性生活中嘅調劑物，不失為一個好選擇。