24/07/2009

播放本新聞相關短片

神州遊:情慾賓館 平價性地

近年內地社會風氣開放,偷情人士對酒店需求甚大,因而情慾賓館便應運而生。居於北京嘅阿富表示,以往要同女伴去酒店曳曳價錢十分昂貴,但近年卻漸趨便宜,事關四處都有情慾賓館開設,短敍時間由兩個鐘起計,收費約為二百元人仔。

入住手續簡單

本來呢啲賓館係為商務旅客而設,不過由於欠缺服務質素,而且唔近旅遊區,漸漸變為當地男女嘅偷情勝地。而入住呢類賓館嘅手續非常簡單又方便,客人只要喺接待處登記身份證即可。正因為方便,阿富就開始放肆咁喺網上界女上床,阿富話:「家陣搞嘢又平又方便,咪喺網上聊天室撩啲女仔傾偈,如果對方有興趣就約出嚟到附近嘅賓館搞嘢,完事後就各自返屋企,真暢快!」

反擊搶客行動

根據阿富多次征戰經驗所得,唔好選擇連鎖式經營嘅情慾賓館,理由係價錢比較貴,以兩個鐘計,收費起碼三、四百元人仔。相反,選擇一啲較低檔嘅單幢式情慾賓館最好,一嚟價錢平,閒日仲有折扣,二嚟係因為欠缺宣傳,所以唔係咁多客人幫襯,變相房內設備比較新淨。

不過,呢類情慾賓館嘅出現,令到當地嘅星級酒店嘅生意大受影響,於是唔少酒店暗地裏作出反擊搶客行動,例如提供「半天房」服務,實則為滾友及偷情男女而設,甚至可代安排小姐上房,再係咁落去,睇怕北京將會愈嚟愈多情慾酒店出現。

祖