年輕人嘅模仿能力特別強，見到乜都跟住學，但往往學得半桶水。今次片中女主角就因為見到個靚女喺岸邊「Fing」頭髮「Fing」得好靚而有樣學樣，結果咪扭親頸囉！
1.小娟今日去咗沙灘游水，但佢游咗一陣之後就企咗喺度休息，仲無聊到四圍𥄫。
2.佢見到岸邊有個金髮靚女，將濕透嘅頭髮慢慢「Fing」乾，動作望落好靚、好誘惑。
3.於是小娟亦有樣學樣，學人猛咁「Fing」頭髮，起初幾下都叫做似模似樣，有多少味道。
4.當佢愈「Fing」愈忘形之際，突然聽到「咯」一聲，小娟即時成身緊晒，應該係扭傷咗條頸。
5.而小娟身旁嘅肥叔叔，睇見小娟「Fing」到扭傷條頸，竟然好冇同情心咁，大聲笑咗出嚟。
6.而暈陀陀嘅小娟，天旋地轉咁行返上岸，最後仲跌埋落地，唉，呢啲咪叫做不自量力囉！