每年香港都有好多大型籌款活動,向來有善心嘅香港人,都會捐多少錢共襄善舉。而呢類籌款活動往往得到藝人紅星嘉賓落力演出支持,確實感動到唔少人慷慨解囊。而今次為大家介紹嘅呢隻H-game,就正係畀玩家去溝一班表演嘉賓喇!
呢隻《Time Leap Paradise》,故事講述一間位於海濱嘅神社,將舉行一百周年紀念,但係年輕嘅神社話事人發覺,神社一來冇錢舉辦大型祭典,二來神社因為日久失修,破破爛爛咁好唔見得人,所以經過苦思之後,諗到搵來附近嘅美少女幫手表演籌款。而玩家所扮演嘅角色,就係神社話事人!
玩家要控制話事人打理神社,仲要四出尋找肯表演嘅少女,氹佢哋於每個周末去神社幫手表演歌舞。喺溝通期間,玩家要了解佢哋嘅喜好,安排稱心嘅服飾令佢哋落力演出,以籌得更多款項!只要冧掂佢哋,除咗可以同佢哋發生關係外,仲可以叫佢哋穿上性感裝束去表演歌舞,到時風騷又火辣嘅場面就任睇唔嬲啦!
遊戲名稱:《Time Leap Paradise》
系統支援:Windows XP/Vista
預定發售日:8月28日
預定發售價:9,500日圓(約HK$784)