白領轉投行列

至於，近年興起京鳳有兩個原因，首先係公安嚴打夜場，又拉又鎖搞到夜場生意冇啖好食，多間夜場都執笠，嫖友惟有轉玩上樓尋歡。第二係內地流行玩網上色情視頻，令鳳姐多條渠道拉客，結果吸引愈嚟愈多嫖友上樓幫襯，令京鳳愈嚟愈受歡迎。

另外，上樓做生意有好處，就係被拉嘅機會較小，而且本小利大，於是漸漸吸引唔少白領轉行爭食。所以近年北京出現唔少名鳳，唔少玩家都知道佢哋嘅芳名，例如×琳、×玲等，雖然個名好娘，但的確喺當地鳳界起晒朵，唔少歎過嘅玩家都喺網上留言讚好。

待客溫柔體貼

而阿明亦對小鳳讚不絕口，話其質素之高足以選美。阿明表示：「小鳳唔同香港嘅一樓一，皆因選擇冇香港咁多，亦唔會任何女性都可以開竇做生意，一定要有獨特之處至可以生存到，所以佢哋個個嘅質素都有番咁上下，有啲真係靚到可以參加選美㗎！」

至於，京鳳同香港鳳姐嘅最大分別，在於前者冇咁大商業味，待客如情人般溫柔體貼，會先同客人嚟個鴛鴦浴，然後玩樂器，直至客人叫停再進入正題。最重要係叫價唔高，一般由一百至三百人仔有交易，而名鳳亦不過是叫價五百至八百人仔。

不過，樹大招風，據聞當地治安當局已準備向京鳳「大開殺戒」，其中以大鳳及有集團操控嘅鳳竇會係首當其衝，睇嚟將會又嚟一場掃蕩行動，屆時嫖友又要轉地方玩喇！