究竟點為之三角眼？就係眼眶唔夠彎曲，其中一面太直，沒有一般眼睛欖形嘅樣子，最常見嘅情況，就係眼皮上眶太直，搞到下面眼眶要左右拉高，喺淚堂位置，更會出現一個轉折嘅角位，驟眼望過去成個三角咁，呢啲就係三角眼。
有三角眼嘅朋友，認真唔掂，據古相書講男士們擁有三角眼，為人自私無情，喜歡爭辯，有理冇理都會爭拗一番，好勝心極之強，有時為求目的更會不擇手段，亦由於過於保護自己，所以唔會同人真心交往，相書狠批佢哋為不切實際嘅薄幸人。
由於與人交往都唔真心，所以遇上問題時，就唔會搵人傾訴，問題只會往內心積壓，日子一久，心理就會造成嚴重影響，性情更會變本加厲，奉勸生有三角眼嘅朋友，做事唔好咁急進，學習與人分享同溝通，遇到有問題應該搵正當嘅宣洩方法。