故事講述男主角吾妻琥太郎係一名平凡高中生，某一日行街就遇到兩個少女狙擊一個女機械人。及後自稱為由奈嘅女機械人打敗兩位少女之後，向琥太郎表示自己係琥太郎阿爺一手製造，目的就係嚟保護琥太郎。從此，由奈每日都同琥太郎形影不離。雖然由奈係機械人，但不止有自己嘅思想，身體亦係由仿製人體組織而製成，除咗戰鬥力高強之外，基本上同普通女仔冇分別。而玩家要做嘅，就係控制琥太郎同由奈溝通，增進感情，咁就有機會同美艷嘅由奈發生關係喇！

當然，一隻成功嘅H-game，梗係唔止一個女角色啦！琥太郎仲有好多女朋友及其他機械女角，容許玩家上前溝通，令遊戲春色無邊！另外，久唔久亦有邪惡組織搵琥太郎麻煩，所以玩家亦要控制由奈打敗對方，戰鬥時嘅玩法同一般AVG冒險遊戲選擇指令出招一樣，總算為遊戲提供多一種玩法。總括而言，整隻遊戲人物設計得青春可愛，故事亦算有新意，可以話值得一玩。

遊戲名稱：《Mecha MiMi》

系統支援：Windows 2000/XP/Vista

預定發售日：7月31日

預定發售價：8,800日圓（約HK$710）