性感巨乳美女有幾吸引，相信唔使多講，各位男士都有深切嘅體會。今次介紹嘅呢個首辦模型，不但有副俏麗嘅容貌，激凸嘅上圍更係焦點所在。而呢個雙峰激凸嘅靚女，就係日本人氣插畫師司淳嘅傑作。
講到司淳，如果你係日本動漫迷嘅話，相信唔會感到陌生。呢位鍾意以槍、金屬同雷射，配合超乎比例身材嘅靚女，從而凸顯女性體態美嘅插畫師，曾經參與《戰國加農》、《性感麻將系列》、《戰國之刀》等人氣電玩嘅人物設定嘅工作。憑住栩栩如生及玲瓏浮凸嘅人物造型，為佢奠定性感少女插畫師嘅形象。
今次呢個頭戴耳機嘅少女係出自司淳畫冊《Tsukasa Bullet》中嘅其中一個角色，佢擁有一副姣好嘅身材，穿上一件緊身衣，營造出飛釘效果，真係索爆！而隨模型更附送一個座地式CD播放機，既可增加觀賞性，好玩度亦大大提高，確實係一個值得收藏嘅作品。
售價：¥11,340（約HK$907）