轉移陣地

現年三十歲嘅阿豪表示，早前跟朋友到深圳消遣，點知遇着有關部門進行清洗太平地，差啲出事。阿豪話：「早幾日同朋友上深圳，朋友心思思想去髮廊搵個妹妹仔開心吓，於是出咗羅湖火車站，我哋就即時跳上的士，前往附近有名嘅出租屋村找尋獵物。去到目的地之後，我哋即時行去有髮廊街之稱嘅巷仔。呢個時候，我哋竟然見到一個奇景，就係原本燈火通明、好多髮廊妹企喺街拉客嘅巷仔，竟然變得水盡鵝飛，好多髮廊都關門大吉，街上再見唔到有髮廊妹出出入入拉客嘅情景。」睇見咁嘅環境，阿豪同朋友惟有轉移陣地，搭車去布吉繼續尋歡之旅。

被人跟蹤

到埗之後，阿豪同朋友搵一間餐廳食消夜，期間友人致電畀相熟雞頭，並相約喺餐廳內睇相揀女。阿豪話：「當我哋都揀好心水囡囡之後，雞頭就即刻Call兩位囡囡過嚟，跟住我哋就同囡囡一齊去酒店，點知離開餐廳冇耐，嗰個雞頭突然從遠處現身，大叫兩個囡囡過去，然後再走過嚟，好緊張咁話剛才離開餐廳之後，就見到兩個可疑嘅男人一直跟住我哋，行咗一大段路，仍然未有離開，擔心係便衣公安，仲提醒我哋要小心。聽見嗰個雞頭咁講，我同朋友都認為無謂搵命博，於是第一時間立即返香港。」

事後，阿豪從朋友口中得知，以往內地喺八、九月都會慣性進行打擊色情活動，但現時為咗整頓社區治安，所以清洗行動就提早六月開始，而且打擊活動更頻密，唔好彩中招嘅話，真係好麻煩。唔想賴嘢，大家就應該喺北上之前先向朋友了解一下內地嘅行情為妙。