推翻提議

所以我成日話，一班人出嚟玩，一定要志同道合，否則只會鬧出不愉快事件。話說回來，林林總總嘅情況當中，最怕係同行嘅人又孤寒又要玩，遇到呢啲朋友，我慣常嘅處理方法，係有今次冇下次。

最近就遇到呢類人，對方係朋友嘅朋友，叫B君，當日大家即興北上玩樂，所以去到羅湖先決定目的地，有人提議上東莞桑拿，亦有人話不如去唱K，點知B君一而再咁推翻提議，唔係嫌東莞桑拿太遠花時間，就嫌唱K消費貴，畀佢接二連三咁拒絕，大家都冇晒癮。

滿腹牢騷

有見及此，其中一人問B君有咩打算，佢二話不說，直指火車站附近嘅一條出租屋村，話去搵百零蚊嘅髮廊妹最經濟實惠。當時其他人你眼望我眼，搵髮廊妹唔係問題，但大家一心想盡興一晚，所以唔想去半粒鐘就完事嘅髮廊，但見B君興致勃勃，眾人亦只好和議。於是，一行人去到髮廊街，左挑右選後，朋友中只有兩人勉強揀到合心水嘅囡囡，同B君一齊去快活，而我同其餘朋友就喺附近嘅茶餐廳等候。冇幾耐，B君完事同我哋集合，一坐低就滿腹牢騷，話服侍佢嘅囡囡服務態度差。

我心諗，百零蚊貨色就係咁架啦，所以再提議去東莞享受好啲嘅服務質素，點知，B君依然強調又遠又貴，到嗰兩個朋友亦完事落樓後，B君就話呢次尋歡之旅已結束，可以回程返香港。唔係呀嘛？唔通我哋北上就係為咗去茶餐廳等你享便宜風流？

最後，我哋決定去東莞尋歡，只係起程前，先送B君到關口。當B君走咗之後，我哋都不約而同表示，同呢類人出征，只此一次，下不為例！