乳癌一直係女性嘅死敵，有女士甚至話假如要切除乳房，情願唔做人喎！而據英國布里斯托大學研究指出，女性大腳板顯示幼時吸取卡路里較多，故增加患乳癌嘅機會。

分手收場

呢份研究經傳媒報道之後，立即嚇怕一眾大腳板嘅女性，Korri就係其中之一，佢話：「假如我患上乳癌，我情願死咗佢好過囉！」做人又唔好咁消極，況且阿妹家陣身體健康，行得走得，唔使咁擔心嘅，只要年年驗身，自然可以放心啦！

另外，Korri自爆前度男友經常取笑佢大腳板，佢話：「由細到大我都好憎人取笑我大腳板，但係我前度男友就由我哋第一日開始拍拖日日取笑我，話我可以同佢交換鞋嚟着，呢句說話擺明係潤我啦！之後，佢成日喺一班朋友面前取笑我係大腳板一族，終於有一日我忍無可忍，決定同佢分手，我覺得佢一啲都唔尊重我！」因為大腳板嘅問題而搞到分手收場，似乎可惜咗啲喎！但阿妹話冇所謂，認為舊嘅唔去新嘅唔嚟，若然下次再拍拖，就必先要對方接受自己大腳板嘅缺點。

Korri話：「我相信每個人都有缺點，雖然我大腳板，不過我上圍一樣咁大，況且我自問從來都無嫌棄過男人短小啦，所以我覺得男人都要尊重女人囉！」講得無錯，阿妹樣靚身材正，又何懼冇男人要呢！

影迷力撐

不過，有唔少影迷力撐阿妹大腳板無罪，相反仲覺得佢好迷人添！其中一位支持Korri嘅影迷話：「Korri眼大、胸大、籮大，咁腳板大都好正常啫，我唔覺得有問題喎，而且許多時Korri會穿高踭鞋演出，不知幾迷人呀！」對此，Korri感到相當高興，大讚影迷有眼光，唔似得前度男友咁唔識貨，佢話：「真係太令我興奮，原來咁多影迷欣賞我大腳板，我會演多啲好戲嚟報答影迷對我嘅支持，多謝晒！」既然係咁，我哋期待阿妹嘅好戲喇！

Korri Angel's Profile　　

年齡：23歲
三圍：36F-26-36
身高：5呎6吋