最近我皮哥喺網上識咗條女，同佢傾咗唔夠幾個鐘，佢就約我出嚟蒲，之後仲主動要求上我屋企過夜，擺到明想同我玩一夜情。其實，喺現今年輕人嘅圈子裏，玩一夜情都幾普遍吓，事關開心完就可以拍拍籮柚走人，係男人都想啦！但係呢班年輕人有冇諗過，亂咁同異性玩一夜情存在唔少危機，隨時染上性病只係其一，最弊係唔知個女仔乜嘢料，唔明？等皮哥用個真實例子同大家講解吓啦！
話說皮哥有個已婚嘅朋友走咗落D場搵食，仲溝到個十八歲嘅(口靚)妹去開房。完事之後，個(口靚)妹唔知點解叫唔醒，冇晒反應，我朋友當然驚到面都青埋，如果條女香咗，到時就真係水洗都唔清。不過，如果一走了之，就仲大鑊，因為條女失救致死嘅話，佢一樣要負責任。最後佢決定報警，證實條女因為服食咗毒品，再加上飲咗酒，所以先搞到突然昏迷。雖然大步檻過，但係佢因為要送個(口靚)妹入醫院而遲咗返屋企，搞到畀老婆問話。呢個故事係話畀大家知，玩一夜情係好開心，但萬一遇上意外，到時就有排煩。
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk