嘴可以睇到人嘅情慾同說話技巧，其中以棱角分明，嘴角朝上最佳，至於嘴角向下，呈覆舟之狀，相書稱之為「覆舟嘴」。相書有云呢種嘴嘅人晚年孤獨，因為覆舟嘴嘅人不擅辭令，說話經常得罪人，所以身邊冇朋友、冇仔女、甚至連老伴都冇。
但凡嘴角向下，個性都比較容易悲觀，乜嘢事都會向壞處諗，有人問佢仲衰，把口唔收，更加冇句好聽，所以到晚年就容易孤獨。若然覆舟嘴再加一個尖下巴，咁仲大鑊，試留意吓街頭、公園見到嘅孤獨老人，多數都係覆舟嘴配尖下巴，主晚景孤苦貧窮。
另外，古相書亦話生有覆舟嘴嘅囡囡，性器官都生得比較低，一般性器官生得低嘅人都比較容易動情，但悲觀嘅性格，令佢對性唔太享受，過程又唔會投入，夫妻性生活完全冇快感，感情自然容易亮起紅燈，所以有咁樣嘴形嘅囡囡，性格一定要改呀！