不過，論到多肉睇，就一定係奧地利嘅Seeboden市喇！因為每年嘅七月，當地都會一連七日舉行一個超大型人體彩繪活動，名為世界人體彩繪藝術節。

屆時來自世界各地嘅人體彩繪發燒友都會將身上嘅所有束縛除低，然後喺身上塗上油彩，女士們性感婀娜嘅胴體全部變得七彩繽紛，實在係養眼之極！

此外，亦有其他精彩節目，包括人體彩繪馬戲團，佢哋會一邊展現性感胴體，一邊表演高難度雜技；人體彩繪工作坊，教大家點樣用油彩喺身上畫圖案，變得更加誘人；最後仲有人體彩繪比賽，多位人體彩繪藝術家於舞台搔首弄姿，爭奪最佳表演、最特別效果等等獎項，節目內容咁豐富，包保大家睇到唔捨得走呀！