有啲女人鍾意結識有婦之夫，貪對方事業有成、人生閱歷豐富，夠晒男人味，好似四仔脫星Bryleigh Rayne咁，竟然唔怕被罵為狐狸精，公然表示自己搭上有婦之夫。
最近Bryleigh Rayne喺個人網頁裏面，同網友討論點樣去做一個第三者，仲講埋自己搭上有婦之夫，對方係一個三十三歲嘅高級行政人員，育有一個女兒，而男方嘅太太亦係專業人士，所以兩夫妻聚少離多，而佢同男方結識咗三個月後就發生關係。
交流心得
Bryleigh講得咁詳盡，個個都信以為真，更有網友喺網上同佢交流做第三者嘅心得，佢話：「有網友叫我每日都要同男方講電話，盡量畀對方覺得自己好需要佢，冇咗佢唔得，仲要時不時搵對方幫忙解決生活上一啲問題。」
嘩！呢啲招數得唔得架？Bryleigh就話：「呢招真係好有用，事關大部分男人都有種保護弱小嘅心態，好鍾意照顧一啲柔弱嘅女性，當有女性需要佢哋幫忙嘅時候，就會義無反顧咁出手相助。相反如果女性個性太剛強，大小問題都唔需要男人幫手，就唔能夠滿足到男人嘅心態，自然男方唔會對女方產生興趣。」
揣摩角色
Bryleigh話除此之外，喺初相識時，明知對方有太太，都要裝作唔知，而喺言談間千祈咪畀對方講起佢太太嘅事，就算講起都千萬唔好畀佢講落去，要立即轉換話題，阿妹解釋：「咁做係要要令男人覺得呢個世界只有我哋兩個，冇其他人嘅存在嘛。」
Bryleigh咁高調，唔怕被人罵為狐狸精咩？佢笑笑口話：「當然唔怕啦！其實我只係揣摩緊做狐狸精嘅角色咋！」
原來Bryleigh將會客串演出一部電視劇，劇中佢飾演一個狐狸精，由於係第一次拍劇，所以阿妹相當緊張，為咗揣摩角色，於是佢喺網上同網友討論點樣去做一個第三者。
Bryleigh起初冇聲明話係為咗拍劇，除咗因為時機未成熟外，最重要係能夠製造話題，等大家都以為佢搭上有婦之夫，破壞人哋嘅家庭幸福，繼而達到宣傳效果囉。Bryleigh得戚話：「我呢個宣傳招數，係咪好掂呢？」至叻係你啦！
Bryleigh Rayne's Profile
年齡：25歲
身高：5呎6吋
三圍：34C-23-34