專為熟女而設

早排喺網上發現咗一個名為「熟女樂園」嘅內地網站，當中嘅會員大部分都係女性，而且唔少都係已婚嘅婦女，年紀由二十多歲嘅年輕少婦至四十幾歲嘅婦人都有，其中一位三十歲會員小燕表示：「呢個網站於內地都算受歡迎，專門為好多我呢亭成熟女性提供一個交友嘅平台。而會員分為兩種，一種係完全免費，另一種就係需要每月付二十元會費嘅VIP會員，兩者在於後者可以即時檢閱其他會員嘅聯絡方法，甚至可以與其他上線者進行即時通訊。」

網上尋找慰藉

小燕繼續話：「呢個網站有兩個好處，一來啲人都志在識朋友，一般嚟講，唔會涉及金錢；二來呢個網站分區得好詳細，你可以隨意選擇自己所在嘅地區找尋朋友。除此之外，我覺得最開心就係可以喺呢度識到一啲少男，以我嘅經驗，當佢哋識咗一個女性朋友之後，多數都唔會真心愛上對方，頂多只會喺網上玩吓Cyber Sex，又或者約出嚟打吓友誼波。雖然呢啲男人只係希望同女網友上床，但我唔介意，反而覺得好啱我，因為我老公都係一個鍾意出去滾嘅人，與其佢可以咁做，點解我哋啲女人就要乖乖喺屋企，受盡寂寞嘅煎熬？」

小燕又話現時正與一位年僅二十歲嘅男子交往，亦期望對方願意慰藉佢空虛嘅心靈。

據了解，內地確實有唔少類似嘅交友網站，之不過多數為掛羊頭賣狗肉，表面上只係一個提供結識朋友嘅平台，但實際上從事不道德嘅色情活動。