好多人都認為女人到咗中年,就會進入狼虎年華,性需要變得異常咁大,老公要滿足佢嘅需要,非要花一番工夫不可,就算擔心自己搞老婆唔掂都惟有頂硬上,唔通搵朋友幫手咩!
1.阿文同阿豪二人情同手足,就連旅行都一齊去。玩完一日鬼咁攰,所以二人就分別帶老婆返房休息。
2.一入到房,阿豪就覺得口乾乾,於是行埋地櫃旁,踎低睇吓雪櫃入面有冇飲品可以解渴。
3.不過,當阿豪想用鎖匙開雪櫃嘅時候,發現條鎖匙太過脆弱,一扭就斷開,點算呢?
4.口渴到發晒癲嘅阿豪乜都唔理,實行使用蠻力,意圖強行拉開雪櫃門,扯到個櫃冧咁滯。
5.由於阿文同阿豪間房只係一牆之隔,阿豪嘅粗暴動作,搞到阿文間房都感受得到,仲震到枱上杯水不斷晃動。
6.阿文同文嫂二人不知就裏,以為阿豪同老婆喺隔籬房落力激戰,仲招招有力,令佢哋感到極為尷尬。
7.突然,碰撞聲靜止落嚟,門鐘隨即響起,原來係阿豪走過嚟向阿文求救,阿豪話:「搞唔掂呀,快啲過嚟幫手!」
8.阿文兩公婆唔知內情,心諗:「阿豪唔係咁開放呀,連老婆都可以同人分享?」誤會有時就係咁產生。