講到最受男士歡迎嘅女性服裝，相信非泳衣莫屬！事關貼身又小巧嘅泳衣，不但能將女性優美嘅身體曲線展現出嚟，而誘人嘅動作更令不少男士想入非非。好似今次介紹嘅呢個首辦模型，相信可以讓不少男士眼睛大吃冰淇淋。
呢個水着俏佳人名字叫做久慈川理世，係人氣電玩《Persona 4》中嘅女角之一。喺電玩作品中，久慈川其實係一名人氣偶像，後嚟為咗幫祖母打理豆腐舖，於是放棄演藝事業到豆腐舖幫手，搖身一變成為人氣豆腐西施，後嚟仲幫忙男主角揭破連環殺人事件嘅真相添！
由於佢嘅外形相當討好，故此有關佢嘅首辦模型長出長有。今次介紹嘅模型，則採用佢最誘人嘅泳衣造型，不但將佢勻稱嘅身材表露無遺，而為咗增加佢嘅可玩性，模型更附送一副眼鏡及掛上公仔吊飾嘅手機，方便玩家擺出唔同嘅動作，讓夏日味道大為提升！
原型師：齊藤史樹
全高：220mm
售價：7,140日圓 （約HK$578）
發售日期：2009年9月