真係話都冇咁快，早前有一批由內地嚟嘅囡囡喺旺角夜場開工，轉頭就成批畀人拉晒，令到夜場嘅女源相當緊張。前兩晚，我皮哥就同夜場揸弗人華哥食飯，傾開女源呢個問題。華哥就話：「呢個問題經常令我相當頭痛，雖然近幾年執咗好多間夜場，但單係旺角就有三、四十間夜場喺度搵食，競爭不知幾大，好在近排巿道唔好，多番啲陀地妹出嚟，咁啲場先至多番啲囡囡，冇咁冷清咋，但係陀地妹可遇不可求，而且佢哋冇乜義氣，好難留得住。」
原來呢啲陀地妹志在搵快錢，搵夠就走人，唔會同你講義氣，只要有其他場高價撬佢過檔，就唔會諗邊個帶佢出身，邊個係佢師傅，完全睇錢做人。華哥話：「呢行愈嚟愈難做，但最心翳，都仲係愈嚟愈冇人情味。」
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk