為求上位，有人會不擇手段達到目的，但甚少當事人會公開承認，事關會被其他人孤立，甚至話賤精，難得脫星Danni Ashe夠薑，開晒咪話畀外界知道自己所作所為，阿妹更聲大大話：「我係咁喇！」真係服咗佢！
激怒監製
Danni認為，每個人都有自己處事風格，出嚟搵食唔需要講仁義道德，至緊要係荷包有錢，所以再賤嘅嘢都做得出。記得大約三年前，Danni妹就曾經跣過四仔監製一鑊，事緣阿妹答應客串該監製一部四仔大製作，但同期，佢又同另一間四仔公司拍攝一部個人作品，點知兩套戲竟然同時出街，由於個人作品嗰部得到公司銀彈宣傳，反應當然理想；但另一套就變相好似幫阿妹宣傳一樣，完全滯銷，監製火都嚟，認為Danni既然早知有新作品出街，好應該事前出聲，可以喺檔期上將就吓，故令人覺得呢次事件明顯唔係誤會而係有心，難怪監製要搵阿妹當面對質。
對此，阿妹就話：「對方唔係搵我做女主角，我點解要每件事都同佢交代？再者，我有個人作品推出，變相係幫對方免費宣傳，佢應該多謝我至真！」嘩！真係公說公有理囉。
大爆瘀事
區區一鑊當然對Danni形象無損，但接二連三都有爆出阿妹嘅惡行，譬如開工玩失蹤、扮大牌、無理要求多多等，總之有阿妹出現嘅地方，都會有負面消息傳出，而最經典都算係阿妹當眾踩低同行姊妹。話說喺一個新碟發布會上，Danni同另一脫星同台，阿妹被問到拍攝過程有咩趣事，結果阿妹愈講愈興奮，大爆同另一脫星嘅床上瘀事，佢話：「有一幕講我演豆腐戲，通常呢類戲都係扮享受裝高潮，點知我呢位對手真係畀我搞High咗，就算導演嗌Cut，佢都捉住我隻手唔放，咁惟有滿足埋佢先！事後我覺得對方好唔專業囉！」阿妹所講嘅對手，其實就正正企响佢身邊嘅姊妹，對方顯得非常尷尬，好在有工作人員打圓場至收科。
本來畀Danni咁唱，呢位姊妹好應該同Danni劃清界線，點知有公司就睇中佢，搵佢開新戲，更因此成為搶手貨，所以佢反而要多謝阿妹唱好咗佢。而Danni亦因為出名口沒遮攔，反而得到不少四仔公司重用，出席各大性博覽及發布會當主持，貪佢夠娛樂性喎！
Danni Ashe's Profile
年齡：28歲
三圍：36H-24-36
身高：5呎5吋